296               TESTAMENTS ENREGISTRÉS AU PARLEMENT DE PARIS            (536)
cire et quatre solz Parisis, pour y faire chanter deux messes de Nostre Dame, et ardera le dit cierge durant ycelles messes, et deux solz six deniers Tournois pour cellui qui les yra faire dire; à l'euvre de Saint Estienne de Meaulx cinq solz Tournois.
Item, à la confrarie de la Nostre Dame en septembre, dont je suis, en la dicte eglise de Saint Merry, quatre escuz de soixante et douze solz Parisis, pour la feste de Nostre Dame qui écherra ap*rès ma mort; et que la messe du saint Esperit que j'ay fait dire au mercredi en la dicte confrarie et en la dicte eglise soit continuée jusques à la dicte feste Nostre Dame après ma mort, et paiée au pris de cent solz Parisis, et que de là jusques à un an après ensuivant on la face dire et con­tinuer au dit pris.
Item, je vueil et ordene que, tantost après ma mort ou au plus tost qu'il se pourra faire, l'en reveste en la parroisse de Coulommiers treze povres creatures sans faintise et sans faveur que on ait à elles, de cotte, de chaperon, de chausses, de Solers, de brayé et de chemise, quant aux hommes, et de chemise, quant aux femmes, tous neufs; et que on les leur face faire, et que on paye les façons, et que on leur enchargé de prier Dieu pour Richarde et pour moy; et que l'en quiere une povre femme sans faintise qui ait un petit enfant au dessoubz de trois ans, et que pareillement ilz soient revestuz comme les autres dessus diz, et qui n'en pourra tant trouver à Coulommiers ou en la parroisse, que l'en preigne le demourant à Rosoy.
Item, je laisse à l'Ostel Dieu de Paris «n de mes lis de deux lez et deux paires de draps de deux lez, deux orilliers et deux cuevrechiefz, et que tout soit bon et soufïïsant, et si y laisse vint solz Parisis pour y avoir vigiles et messe de Mors à dyacre et à soubzdyacre.
Item, à l'euvre de Nostre Dame de Paris huit solz Parisis ; aux povres enfans perdus de Nostre Dame quatre solz Parisis; aux deux bassins qui sont en la dicte eglise où l'en pourchace saint Gracien et les Quinze Vins au [sachet?] devant les diz enfans perduz, à chascun bassin deux solz Parisis; aux povres prisonniers de Ia court rofficial quatre solz Parisis; aux prisonniers de Chastellet, que on pourchasse